Home Lifestyle E chekeo di e meter di sucu na Botica di Servicio tawata...

E chekeo di e meter di sucu na Botica di Servicio tawata un exito!

SHARE

Botica di Servicio ta encarga pa tur pakete di chek sucu pa pashent nan di diabetes dependiente di insulina, pa asina optimalisa e maneho di diabetes. E pakete ta consisti entre otro di un meter pa chek sucu. “Na comienso di aña 2017 nos a cambia pa otro marca”, segun Stacy Grêaux, assistente di boticario. “Pa por comproba cu e meter nobo y su teststrip nan ta trahando hunto manera un sistema, a wordo palabra conhuntamente cu UO AZV pa hasi e chekeo tur aña, un bes pa aña.”

“Desde cu nos a introduci e meter nobo, conoci pa Ht-One TD Gluco, nos por bisa cu alredor di 1800 pashent a cambia nan meter. Algun siman pasa nos a invita tur pashent pa pasa hasi chekeo di e meter”, Lennert van der Poel, Director Botica di Servicio ta conta; “E acogida a wordo bon risibi ricibi? y nos no por ta mas contento. Esaki ta e prome chekeo di meter di sucu cu a wordo haci na Aruba, y lo ta sin duda no e ultimo! Hunto nos kier hasi un colaboracion na salubridad, pa asina bira cada biaha mas mihor! “

Durante e periodo di chekeo, Botica di Servicio traha hunto cu laboratorio pa por compara e resultado nan y asina comproba cu e resultado nan di e Ht-One meter ta cuadra cu e realidad. Esaki ta indicacion cu e meter ta cumpli cu tur regulation necesario di calidad. Tin cu menciona cu tres meter so no a cumpli cu e rekesito nan necesario y wordo desaproba. E pashent por tin tur siguransa cu e uso di nan meter. Stacy Grêaux: “Comienso di aña 2018 nos lo invita un otro grupo pa pasa y hasi chekeo di nan meter”.

Pashent cu pa cualkier otro rason tin pregunta tocante e meter, por tuma contacto cu Botica di Servicio Post di Diabetico, na number di telefon +297 730 0536.