73
Palm Beach: Diahuebs mainta algo pasa di 10’or, presencia di polis ta wordo pidi na ex Kong Fui Supermarket pa un caso di ladronicia.
Na yegada polis ta topa cu un empleado di Elmar kenda ta splica polis cu desconocidonan a horta como 200 kilo di koper, for di e transformer huis di Elmar cu ta situa entre e edificio di ex Kong Fui y RBC. E empleado a informa polis cu e ultimo biaha cu nan a controla e transformer huis tabata mas o menos 1 aña y mey pasa y e tempo ey tur cos tabata na ordo.
Tambe ela informa polis, cu un dia prome pa banda di 7’or nan lo a haya un yamada di un cliente di Elmar bisando cu lo tin choller bibando den e transformer huis aki.
Na momento cu nan tabata controlando, nan a nota cu desconocidonan lo a destrui e sierbloknan bandi di pazuid di e casita pa asina por a drenta den e casita.
Nan a horta mas o menos 200 kilo di koper for di transformer huis cu aparentemente no tabata den funcion mas, keho di ladronicia a keda entrega.