Home Local Comision di Klapchi a informa prensa cu container di Klapchi e aña...

Comision di Klapchi a informa prensa cu container di Klapchi e aña aki ta laat

SHARE

Oranjestad – Diabierna mainta 10’or Vuurwerk Commisie a reuni cu prensa na Kazerne di Brandweer Tanki Flip, pa asina informa e pueblo di Aruba y alabes concientisa tur hende di e peligernan di klapchi.

E comision ta constisti di Sr Ponson di Brandweer, Sr Rubin Ponson di D.O.W, Sra Rasmijn di KPA y Sra Simmons di DVG.
Cada un di nan a trece nan parti di informacion, pa e communidad di Aruba.
Sr Ponson di D.O.W a papia over di e maneho cu ta conta pa Importador y bendedornan y manera tur aña controlnan lo bay ta estricto. Cumpliendo cu e reglanan aki, ta trece segurida den comunidad.
Momento cu e bendedor no por cumpli cu e reglanan stipula, esaki lo tin consecuencia pa e nan cu nan luga por wordi cera.
Pa e cumprado, e ta conseha pa wak ki tipo di klapchi bo ta cumpra y si tin algo cu bo no ta compronde semper puntra. Un parti importante cu Ponson a bisa tambe ta pa wak e fecha ariba e klapchinan.
Klapchinan ta laat
Segun Ponson di D.O.W nan tin un maneha cu klapchinan mester ta na  Aruba prome cu december, pero e biaha aki esaki no ta caso. Ta spera cu nan lo yega mey mey di december cu ta basta laat. Pa motibonan di seguridad ariba WELA y door cu containernan ta yegando laat lo bira dificil cu tur container lo bay wordo habri prome cu dianan di benta.
Un total di 19 container tin cu yega.
Cuerpo policial ariba vergunning.
Sra Rasmijn a bisa cu benta d klapchi lo cuminsa 27 di december te cu 31 di december.
Esnan cu mester busca na vergunning esaki lo pasa 4 di december en adelante, di 8’or di mainta te cu 12’or di merdia y despues di 1’or te cu 4’or di atardi esaki lo pasa na warda di Noord. Esaki lo ta e unico caminda pabo busca bo vergunning.
Durante controle di parti polis, e vergunning mester ta visibel y mester ta cuadra cu e adres y demas rekisitonan.
Esaki ta un suplica di tur aña segun Rasmijn, cu NO ta bende mucha bou di 12 aña klapchi si e no ta den compania di un adulto.
Ora di benta lo ta di ora solo sali te cu 9’or di anochi, si polis hayabo habri despues di 9’or nan por cere y dunabo un waarschuwing y por bay asina leu di kita vergunning di e negoshi.
Segun cuerpo policial tur aña ta e mes un luganan cu no ta tene nan mes na e reglanan. Loke ta permisonan, segun e comision di e 80 y algo permisonanan solamente 73 hende so lo bay haya permiso, indicando cu nan sa caba ken si y ken no lo haya permiso.
Dia 1 di Januari 1’or di merdia ta e ultimo dia y ora pa tira klapchi. Luganan cu tin na cierre ariba 6 di januari, lo tin cu pidi un vergunning adicional pa e dia ey.
Sr Rasmijn a bisa tambe cu e klapchi cu mag di bende mester ta di aña 2016 y 2017, si ta mas bieu nan lo wordo kita.
Tambe ela sigui cu e luganan di bende no mester wordo yena cu hopi hende, pues containernan di 40 pia ta 5 hende mester tin den y containernan di 20 pia 3 hende segun Sra Rasmijn.
Sr Ferdinand Ponson di Bransweer,  a bisa tambe adresnan cu nan a haya klapchinan ilegal, nan lo no por pidi vergunning ariba nan nomber y tampoco na e adres cu e klapchinan ilegal a wordo haya.
Di parti DVG tawata Sra Simon, DVG tambe ta forma parti di e comision aki. Indicando cu e uso corecto di klapchi ta regarda salud publico.
Segun Simon DVG ta para pa educa y informa e pueblo corectamente ariba e uso di klapchi y e peligernan cu e tin si e no wordo haci debidamente.
E aña aki DVG tin un poster nobo y a bisa cu esaki ta cambia cada dos aña. Cada localidad cu bende klapchi lo tin algun di e posternan aki.
Ariba e poster tin safety tips, manera por wak diferente parti di curpa cu lo por keda afecta si no haci uso corecto di klapchi.
Manera wowo, cabes, cara, orea, pecho, brasa, pianan y dede. Ela sigui bisa cu mannan semper ta esunnan cu ta keda mas afecta.
Ela stress hopi ariba e parti pa mayornan papia cu nan yiunan ariba e peligernan di mal uso di klapchi.
Ariba e folder tin e tipsnan di seguridad, pues ta bon pabo busca un.
Adultonan semper supervisa nos muchanan, pa asina nos niun pasa den un caso lamentabel.
Flyer lo wordo parti rond di Aruba, pa asina nos evita cualkier accidente lamentabel.