174
Babijn: Diabierna anochi algo prome cu mey anochi, ta sosode un accidente basta serio na Babijn un poco pabou di Bamboo Bar.
Un accidente frontal entre un Toyota Yaris y un Kia Rio den cual tres persona a keda herida, e dos ocupante nan di e Yaris tabata grave. E chauffeur di e Kia Rio tabata bou influencia y aparentemente causante di e accidente, e no a keda deteni paso e tabata herida y a wordo transporta cu ambulance pa hospital. E daño material tabata considerabel.
Polis y ambulance a presenta na e sitio, despues cu personal di ambulance a trata e heridonan na e sitio a transporta tur tres pa hospital.