Home Local Ministerio Publico den un conferencia di prensa a confirma cu e curpa...

Ministerio Publico den un conferencia di prensa a confirma cu e curpa di e criatura di 3 aña cu ta perdi a wordo localisa

SHARE

Oranjestad: Diamars atardi, Ministerio Publico a tene un conferencia di prensa , pa duna mas informacion referente e caso “Eugene”.

Durante e conferencia di prensa, Fiscal Mayor a informa na prensa  cu e curpa di e criatura di 3 aña a wordo haya riba un tereno publico.

E Fiscal no a bay den detayes pero si a bisa cu e padrastro di e criatura, dialuna den oranan di anochi a admiti su envolvimento den morto di e criaturanan y lo a bisanan tambe unda e criatura perdi lo ta dera. Diamars mainta nan lo a bay na e sitio y enberdad a logra haya e curpa di e criatura.

Tambe Fiscal Mayor a duna di conoce cu e no por duna mucho informacion y ni detayes, pa motibo cu e investigacion ainda ta andando. E wela y e mama di e dos muchanan tambe ta keda deteni y e investigacion lo mester determina nan involvimento den e caso aki.

Un caso hopi tristo, cu tin full e comunidad di Aruba den un inmenso tristesa. Nos di arubanative.com ta extende nos palabra di mas profundo condolencia na e tata y demas famia di e dos criaturanan.