Home Local Bishita di orientacion di Minister di Enseñansa, Ciencia y Desaroyo Sostenibel dr....

Bishita di orientacion di Minister di Enseñansa, Ciencia y Desaroyo Sostenibel dr. Armando Rudy Lampe na Biblioteca Nacional Aruba

SHARE

Oranjestad – Biblioteca Nacional Aruba a ricibi bishita di Minister dr. Rudy Lampe, cu ta cay bou di su ministerio. Presente na e reunion tabata drs. Jairzinho Tromp di Bureau di Minister, Sra. Astrid Britten director di Biblioteca Nacional Aruba y sra. Lilian Semeleer director suplente y alabes bibliotecaria sra. Yosmar Sneek (apunta pa haci anotacion di e reunion).

Tabata un reunion di orientacion unda a papia riba trabounan di Biblioteca Nacional Aruba y su rol pa cu enseñansa. Aki dos aña Biblioteca ta cumpli 70 aña. Tin diferente plannan pa celebra esaki, entre nan, publicacion di un buki riba e perlanan cu Biblioteca tin den su coleccion nacional.

Tambe e parti di infrastructura a bin dilanti, como tambe e diferente actividadnan anual di biblioteca y e dos bibliobusnan cu ta un necesidad grandi pa e scolnan den bario. Tambe a papia riba diferente topico cu na su debido tempo lo informa pueblo di nan.

Lo palabra un otro fecha unda Minister Lampe lo bishita e trahadonan di e tres localidadnan di biblioteca, esta Centrale, filial San Nicolas y departamento Arubiana.