Polis no tin niun pista pa sigui buska y e sospechosonan no ta cooperando

Oranjestad: Un rato pasa vocero di Ministerio Publico, Sra. Ann Angela a informa prensa lo sigiente, cu e mama, padrastro y wela ta keda deteni como sospechoso di morto di e criatura di 5 aña.

Tambe cu polis ta haciendo nan maximo esfuerso pa haya sa e berdad. Na e momentonan aki no ta sigur si e ruman chikito di 3 aña ta na bida of no ta na bida, pesey a para e buskeda. Polis no tin niun pista pa sigui buska.

E sospechosonan no ta cooperando cu polis y no ta bisando kiko nan lo a haci cu e mucha of unda e mucha ta.

Vocero di Ministerio Publico lo informa prensa asina cu tin cualke desaroyo den e caso tristo aki.