San nicolas: Despues di merdia, un grupo grandi boluntario a reuni dilanti Joe Laveist pa cuminsa cu e buskeda pa e criatura, e personanan presente a wordo parti nan den varios grupo y nan a inicia cu e buskeda rigoroso.
Mobiele Eenheid di Cuerpo Policial tambe a forma un grupo y a pasa na diferente cas pa mira si nan por topa cu e criatura cu ta perdí.
Polis a bay un biaha mas na e cas di e wela. Eynan e polisnan no tabata mucho bon bini. E wela di e criatura a sali y zundrando a puntranan cua mucha nan ta buskando y contestando hopi irita cu e no sa di niun mucha.
Esnan cu conoce e famia tabata comenta cu e wela mester por sa algo, cu e wela ta hopi pega cu e mama di e criatura. Despues di un rato polis a dicidi di detene e wela.
Mientras e polisnan y tambe e gruponan di boluntario tabata buskando, polis a dicidi di detene e wela di e criatura. Pa asina purba saca afor unda e criatura lo por ta.
Polis y e gruponan di boluntario a buska na diferente casnan y te hasta den mondi y no a logra haya nada.