PALM BEACH, Aruba: En connection cu Challenge Aruba 2017, un careda di mucha “Splash & Dash” a wordo organisa recientemente y sosteni door di Aruba Marriott y The Ritz-Carlton, Aruba.
Aruba Marriott y The Ritz-Carlton, Aruba tawata honra pa por promove bienestar saludable y moveshon entre muchanan di 7 y 14 aña por medio di sostene e careda di mucha aki. E evento a tuma lugar un bunita diasabra mainta riba e beach entre e dos hotelnan. E muchanan a jega sumamemente contento pa por participa na e careda cual a inclui coremento y landramento. E muchanan a caba e careda cu un smile grandi, felis y orguyoso di nan mes pa e logro aki. Tur participantenan a ricibi un medaya di participashon como tambe dry-fit shirts y un cahita di desayuno pa disfruta despues di e evento.
Sosteniendo e careda aki ta alinea cu Marriott International su core value pa sirbi nos comunidad di cual un enfoque grandi ta riba vitalidad di nos muchanan dentro di nos comunidad. Aruba Marriott y The Ritz-Carlton, Aruba ta sumamente satisfecho di a haja e oportunidad pa apoya e evento aki y asina hasi un impacto positivo dentro comunidad di Aruba.