Entrada hudicial relacion a cu e buskeda di e mucha di 3 aña perdi

San Nicolas: Den oranan di atardi y anochi a tuma lugar 4 entrada hudicial na diferente adres na San Nicolas.

E entradanan hudicial ta en coneccion cu un criatura di 3 aña cu ta perdi.

 E ta ruman di e mucha di 5 aña cu a fayece awe den oranan di atardi. Te na e momentonan aki no sa paradero di e criatura aki.

Polis lo bay manda aki rato un relato tocante e caso aki. Awe durante dia famia di e mucha a pone caba riba red social cu e criatura aki ta perdi y cu nan ta buskando su paradero.

Pendiente pa mas informacion di Cuerpo Policial.