Caya Saba – Diaranson marduga den careda di 2:25 un dama special di fam L. Na warda e ta entrega un machete y ta bisa polisnan cu ela caba di wordo atraca door di dos hende homber color scur.
Ela sigui conta cu nan a bay cu su flatscreen y tambe algun cuminda.
Pero nan a lubida di bay cu e machete. Ela haya hopi miedo y bay warda pa bisa polis kiko a pase. Na warda mes ora a avisa atraco team, slachtofferhulp y ambulance. Pero e no tawata desea asistencia di personal di ambulance.
Pa motibo cu e dama ta un persona special, unico cos cu e por a bisa polis ta cu e hombernan ta color scur. Mas detayes e no por a duna polis. Agentenan a bay bahe na su cas bek.
E machete a wordo confisca.
Diadomingo pasa den careda di 9:45 na Lodewijk van Nassaustraat, un ciudadano tambe a wordo atraco door di dos homber arma cu machete den su cas.