Home Local Paranda di Balashi ta sigui na Pos Chiquito Rumshop

Paranda di Balashi ta sigui na Pos Chiquito Rumshop

SHARE

ORANJESTAD, Aruba – 21 di November 2017: Dia 13 di October e Paranda di Balashi a inicia dia 13 di y lo termina riba e di dos diabierna di December, unda cu pa 10 siman largo Grupo Betico y Rincon Boyz lo ta deleitando tur hende cu nan canticanan di Pasco. Diabierna awo 24 di November Paranda di Balashi ta continua unda e ambiente lo sigui na Pos Chiquito Rumshop.

Dia 17 di November e Paranda di Balashi tabata na Pacifico San Nicolas, unda Rincon Boyz y Metropolis tabata anima tur esunnan presente. Un publico grandi tabata presente na e Paranda di Balashi. Nan a disfruta di e dushi ambiente cu Rincon Boyz y Metropolis, unda nan a baila y canta hunto cu e grupo y Metropolis e anochi aki.

Diabierna awo 24 di November e Paranda di Balashi lo ta na Pos Chiquito Rumshop, unda e ambiente lo cuminsa pa 6:00pm. E anochi aki Metropolis hunto cu Grupo di Betico lo ta poniendo ambiente, mientras cu lo tin prijsnan special riba e productonan di Balashi. Durante e Paranda di Balashi Metropolis lo t’ey tur siman hunto cu Rincon Boys y Grupo di Betico pa pone ambiente.