Trayectoria politico di Juan Edberto “Ady” Thijsen, un abogado exitoso, a brinda sr Thijsen un conocemento y experencia enorme den politica cu awe a conduci cu Ady Thijsen a bira Presidente di Parlamento pero tambe pa dicidi di tuma e reto pa guia Parlamento. Mirando cu Fraccion di MEP ta consisti di politiconan hoben cu apenas ta cuminsando nan carera como Parlamentarionan di Pais Aruba, e decision pa apunta sr. Thijsen como Presidente ta esun mas logico.
Sr Thijsen su experencia den politica ta bastante amplio kende a drenta Parlamento na aña 2005 formando parti di diferente comision te cu 2017, tabata miembro di Parlatino y “Interparlamentair Koninksrijkoverleg”. Ady Thijsen a fungi tambe como Lider di Fraccion di MEP entre 2005 pa 2009.
Presidente di Parlamento Ady Thijsen ta e persona cu mas experiencia den Parlamento pa carga e Presidencia di Parlamento mirando cu e fraccion di MEP ta hoben. Ademas e exito di e coalicion ta depende di e stabilidad y forsa di Parlamento.
Nos ta desea Ady Thijsen forsa y sabiduria pa e fase nobo aki den su carera politico no solamente como Presidente di Parlamento pero tambe como esun cu tin mas experencia awo pa guia nos Parlamentarionan hoben di MEP den e trabou aki.