Home Local Estudio di Movecion y Salud, na IPA ta bay cuminsa

Estudio di Movecion y Salud, na IPA ta bay cuminsa

SHARE

Durante aña academico 2017-2018 Instituto Pedagogico Arubano (IPA) ta ofrece e estudio di Movecion y Salud. E estudio aki ta forma maestro cu ta cualifica pa duna les riba tereno di movecion y salud na scol primario. Alabes e estudio ta prepara maestro pa promove movecion y salud den nos comunidad.

E estudio lo cuminsa na augustus 2018 y tin un duracion di 4 aña. Diamars dia 28 di november 2017, IPA ta tene un anochi di informacion na unda lo splica kico e estudio ta encera y kico ta e rekisitonan di admision pa por aplica. Alabes lo elabora riba contenido y sequencia di e testnan di admission y preparacion necesario pa por studia na IPA.

Tur persona cu ta interesa ta bonbini na e anochi di informacion cu lo cuminsa pa 7or di anochi den Sala Madonna di IPA (Isaac Wagemakerstraat 11, San Nicolas). Tin posibilidad pa inscripcion te 6 di maart 2018.