Sasaki – Diamars pa mas o menos 3’or y 40 di marduga, polis ta wordo manda na Pizza Hut Sasaki, pa motibo desconocidonan lo a kibra y a drenta horta den e establecimento.
Na yegada polis ta papia cu e director di e compania, kende ta splicanan cu pa mas o menos 11’or y 20 di anochi nan a cera e negoshi y a laga tur cos intacto.
Pa mas o menos 3’or y mey di marduga e centralista di e compania di seguridad ta yam’e y ta bise cu desconocidonan lo a kibra y drenta horta den Pizza Hut Sasaki y enberdad na yegada ela bin haya e glas di e porta di porta principal kibra y a mira un blokie den e lugar. Desconocidonan lo ausa e blokie aki pa kibra e glas y paden ela mira e porta di hero di e oficina di supervisor habri. E porta aki tabata tin 3 candal, e pins di corta hero a keda benta riba vloer.
E ladronnan a coba en e oficina, pero e director na e momento ey no tabata sigur di kiko mas na lo por a bay cune y lo mester a traha un lista y entregue despues na Polis.
E patrol di e compania di seguridad tambe tabata na e sitio. Polisnan enberdad a nota cu e porta di dilanti a wordo destrui y cu e ladronnan a drenta den e establecimento, aparentemente nan lo a bay cu tur e placanan larga, pero na e momentonan ey no tabata conoci cu si nan por a bay cu algo mas. No ta prome biaha cu e establecimento aki ta bira victima di kiebro y ladronicia.