Home Police Dama ta keda deteni pa morde un otro dama den su cara

Dama ta keda deteni pa morde un otro dama den su cara

SHARE

Figaroastraat, Noord: Diamars pa mas o menos 4’or y 15 di marduga, presencia di polis ta wordo pidi cu hopi urgencia na un compleho di apartamento den Figaroastraat, pa motibo cu un dama bou influencia a bira agresivo y a agredi dos otro dama.

Mesora dos unidad di polis ta bay na e adres, na yegada nan ta topa cu dos dama herida y un otro full histerico y agresivo. Polis mesora a detene e dama agressor y cu transportwagen di polis ela wordo transporta pa warda di Shaba.

Tambe na e sitio nan a bin compronde cu ta trata di un problema cu lo a cuminsa hopi mas tempran na un club nocturno na Palm Beach, caminda e dama agresivo aki tabata culpa e otronan di a horta su tas, polis a bay caba pa e problema aki na e club nocturno y mirando cu e dama tabata bou influencia a hibe na su apartamento pa e sosega.

Pero despues na e apartamento e dama a bira asina agresivo cu ela agredi e dos damanan y un di nan a haya un mordi basta bon na su cara. Polis a pidi pa presencia di ambulance pa asina personal di ambulance por a trata e dos victimanan.