Papaya- Diamars atardi den careda di 5’or polis ta wordo notifica di un incidente na Papaya, caminda cu auto a dal un criatura di 2 aña.
Mes ora a manda patruya pa e sitio.
Na yegada polis ta compronde cu ya ambulance a sali direccion Hospitaal cu e criatura.
Polis di trafico tambe tawata bayendo pa e sitio. Na e cas e welo di e mucha a conta polis cu e lo a bay reverse y a dal e mucha cu e auto.
Pero, segun su version y mas laat polis tambe a confirma esaki, e mucha ta ok. Un rato despues, a pidi un otro ambulance pa e mes un adres, pero e biaha aki pa controla e welo, cu ta un pashent di curason.
Otro departamentonan a wordo notifica, manera recherche pa presenta na e sitio, pa por haci un investigacion di e susedido lamentabel aki pero cu danki Dios na final e criatura ta bon.