Un di e ingredientenan basico pa un sexual life ta completo ta fantasianan sexual, cu no solamente ta sirbi pa impulsa deseonan y exicitacion, pero cu ademas ta yuda cu e habilidadnan cognitivo ( e sistema cu un hende bibo pa procesa informacion) y asina tin un miho memoria, esaki segun Universidad di Pavia, Italia.
Segun José Bustamante, secretario di e Asociacion di Specialistanan den Sexologia na Spaña, e fantasianan sexual ta permitibo train y fortalece e musculo mas importante di sexualidad: bo mente.
Segun varios estudio, e imagennan di nos celebro tin un efecto sexual debi na su impacto, ya cu e ta activa e zonanan concerni cu e proceso cognitivo, caminda cu hopi recuerdo di loke nos a biba of wak a wordo registra (graba).
Esaki ta danki na e aumento di e sex hormoonnan, particularmente testosteron, cu por yuda cu concentracion y bo tempo pa reacciona, Barry Komisaruk a splica, cu ta un Profesor di Psychology na Rutgers University y un leading authority den sex and neuroscience.
“Imagennan di resonancia magnetico a demostra cu durante un orgasmo, e neuronas nan ta mas activo y tambe ta usa mas oxigeno”.
Tur e proceso aki ta activa, por ehempel, ora bo tin fantasianan sexual.
Como parti di su investigacion, testnan di sanger haci ariba personanan cu recientemente a cuminsa un relacion y cu nan tawata tin sex regularmente, a registra nivelnan halto den e crecimento di neuronas, algo crucial pa un estado pabo ta mas alerta y e bienestar mental di un ser humano.
Estudionan haci ariba animalnan y publica den e revista PLOS ONE, ta bisa cu sex ta stimula crecimento di e celnan den bo celebro, pues e parti cu ta responsabel pabo memoria y cu ta permitibo siña.
Resultadonan similar a wordo haya door di researchers nan na Princeton University, a verifica cu sex frecuentemente, no solamente ta reduci stress, sino cu tambe e ta aumenta e capacidad celebral, y e parti aki ta importante e ta kita migraine.