ORANJESTAD – Pa tur siguridad den trafico, DOW ta laga pone luz pa preveni accident den trafico ora cu ta cera un caminda publico. Den e caso aki, e caminda pa noord di e rotonde di Mahuma ta cera pa un periodo te ora cu DOW caba di traha e Brug riba e ventweg.
Personal di DOW a constata cu diamars siman pasa, 7 di november 2017, pa mas o menos 6:40’or di mainta, na e crusada di Mahuma (pa noord di e rotonde nobo), cu e Light Tower cu e nr.
LT-02 aki no tawat’ey mas. Desconoci a bay cune, of mihor dicho nan a hort’e for di e sitio. Nos di DOW ta desea di haya ayudo for di Pueblo di Aruba.
Si tin hende cu por a wak e Light Tower LT-02, color geel, cu nan a transporta patras di un auto of pickup entre 1:30’or diamars marduga, dia 7 di november 2017 te 6:30’or di mainta di e mes un diamars, dia 7 di november 2017.
Si tin hende cu por a wak qualkier movecion straño of a wak algo cu por yuda, ta pidi pa yama polis tiplijn 11141, of DOW Cel.nr. +297 594 9362.
Pa tur siguransa, boso nomber y number ta keda confidencial. Lo no menciona ni number ni number di e persona.
Nos tin persona cu a wak e Light Tower LT-02 aki pa 1:30’or di marduga ainda para na e sitio menciona, ta p’esey nos ta pidiendo boso ayudo for di e ora ey. E sitio/ lugar unda di unda a hort’e por mir’e riba e potret aki bou y tambe por wak e potret di e LT-02 cu a nan a horta for di e sitio.