Homber cu problema mental ta kibra e screen di un ATM machine cu un klinker

Oranjestad: Algo prome cu 6’or di mainta, presencia di polis ta wordo pidi na altura di e ATM machinenan di Aruba Bank den Caya Betico Croes.

Na yegada nan ta bin compronde cu un persona cu problemanan mental, pa un of otro motibo a pasa man pa un klinker y a dal e screen di un di e ATM machinenan kibra cu e klinker. Aparentemente un security lo a mira esaki y a bati alarma, e patrol di e compania di security a sigui e persona aki y na altura di La Granja nan a logra pare.

E patruya di Oranjestad hopi liher ta yega na e sitio y ta detene e persona aki, transportwagen di polis a transporte pa warda di polis di Oranjestad.