Home » Famia, amigonan y conocirnan a hiba Sarahi na su ultimo lugar di sosiego

Famia, amigonan y conocirnan a hiba Sarahi na su ultimo lugar di sosiego

by Admin
0 comment 88 views

Sarahi a wordo hiba na su ultimo lugar di sosiego, mientras e asesino ainda ta gosando di su libertad.

San Nicolas, Sabana basora: Diasabra merdia for di 2’or, e restonan mortal di Sarahi Sierra tabata reposa den misa Santa Teresita na San Nicolas, caminda famianan, amigonan, bisiñanan y conocirnan a bin hunto na e misa pa despedi di nan defunto keri.

Sarahi tabata un dama hoben den flor di su hubentud, apenas 19 aña, e tabata gusta practica deporte y tabata hopi keri pa hopi hende. Hendenan grandi y mucha tabata sali awa na wowo for di misa despues di a despedi Sarahi.

Algo pasa di 4’or di atardi, poco poco famianan, amigonan, conocirnan y bisiñanan di Sarahi a cuminsa yega na e Santana di Sabana Basora, pa warda riba shersh di Ad Patres Funeral yega cu e curpa. Despues cu e shersh a yega tur esnan presente a compaña pastor pa hibe na su ultimo lugar di sosiego.

E tabata un entiero hopi tristo y hopi doloroso pa su famia y tur cu a stime, paso nan a despedi di dje, pero ainda ta keda varios pregunta sin contesta, ken por a comete e asesinato cruel aki? Pakiko asina cruel? Pakiko Sarahi? Un mama hoben cu ta lagando su criatura di apenas 3 aña atras.

Con e familiar di Sarahi, esun cu a topa cu Sarahi den e situacion hororoso aki, con e lo por sigui biba cu e trauma horibel cu ela pasa aden, e diabierna merdia ey.

E pregunta mas doloroso kiko a pasa e diabierna ey, despues cu Sarahi a hiba su yiu speelschool y aparentemente lo a bay cas, kiko a pasa cune despues, di e mainta tempran te pa mas o menos 1’or y 40 di merdia, te awor aki ta un misterio.

E asesinato aki lo bay den historia como un di e asesinatonan mas cruel na Aruba.            E psichopata cu a comete e asesinato cruel aki ainda ta gosa di su libertad, e ta canando liber entre nos, e por hari y papia etc, mientras famia y amigonan di Sarahi ta sufriendo cu e perdida di nan ser keri.

Pesey mes nos di arubanative.com, ta urgi cualkier persona cu por sa algo of por a mira algo, un detaye chikito, cu pa un por ta insignificante por ta e pida puzzel cu falta pa soluciona e caso di asesinato aki.

Porfabor si bo sa algo no keda keto, bay polis, yama tiplijn papia pa asina por pone e psichopata aki mas liher cu ta posibel tras di tralie, paso awe ta Sarahi, mayan e por toca na porta di un di nos.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio