Home » Despues di nenga bay Cas Casuela, chauffeur a wordo maltrata na Solito

Despues di nenga bay Cas Casuela, chauffeur a wordo maltrata na Solito

by Admin
0 comment 82 views

Solito – Diasabra marduga pa mas o menos 2’or, polis a bay altura di stadion di RCA, pa un cabayero cu lo a wordo maltrata.
Na prome instante tawata tin indicaccion cu tawata trata di un atraco, pero na yegada di polis a resulta cu esey no ta berdad.

Na e sitio agentenan a papia cu e cabayero cu tawata herida na cabes cu cara y ambulance a wordo pidi pa asina nan por controle.
Loke e cabayero a conta e agentenan tawata lo siguiente, cu e tawata den Sividivi Bar Restaurant y un pareha a pidie lift. Segun e cabayero e no conoce e pareha.

Den auto momento cu nan a subi, nan a bise pa hibanan Cas Casuela pero, e chauffeur a bisanan cu e no ta bay eynan.
E ora ela bisanan cu e lo bahanan na altura di stadion di RCA y akinan ta caminda cu e pareha no a gusta.
Segun ela sigui conta polis, e momento eynan cu ela nenga di bay Cas Casuela nan a cuminsa bringa cune y asina hey heride.

Polis a tuma datos di e homber y e muhe cu despues di e acto a cana bay direccion zuid, manera nada un pasa.
Ambulance tambe a presenta despues y a trata e cabayero cu a bay haci algo bon y a resulta malo pa su persona.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio