76
Oranjestad – Diabierna mainta trempan Dr Horacio E. Oduber Hospitaal bay den un estado di emergencia. Esaki tawata momento cu holor fuerte di Diesel tawata sali y caminda cu despues a bin haya sa cu ta trata di uj Diesel Spill.
Polisnan tambe a yega eybanda y na prome instante a cera cierto area, pero despues di consulta cu hefe di Brandweer e momento ey, nan por a sigui nan caminda.
Segun e hefe e momento ey, nan tin tur cos bou control y lo no tin ningun peliger, pero cu ta solamente e holor fuerte ta bira problema pa esnan cerca y tambe pashentnan.
Evacuacion a tuma luga, pero manera nos a bisa caba cu segun brandweer no tin peliger directo, sino solamente pa e holor cu ta insoportabel.
E area caminda e spill a tuma luga ta un parti nobo y segun nos a compronde e diesel su holor a plama den e generatornan, causando e holor insoportabel. Pa e motibo aki cierto parti di hospitaal mester a wordo evacua.
Problema ta sinta cu berdad a logra controla e situacion, pero e diesel spill cu lo a penetra caminda e generatornan ta, causa cu e holor a penetras hopi caminda den e hospitaal.
Otro informacion cu nos a haya no oficial, ta bisa cu aparentemente di ayera caba a haya holor di diesel y cu lo tawata tin leak, pero probablemente lo no a dune mucho atencion.