57
Tanki Flip – Diahuebs marduga algo prome cu 3’or polis a bay panort di e rotonde di Tanki Flip, pa un accidente cu hende pega den auto.
Mes ora unidadnan di rescate a sali pa e sitio.
Polis na yegada ta topa cu un Mazda RX7 color cora, banda robes di caminda pega contra un mata di kwihi. Pero e chauffeur no tawata pega den e auto. Pues e la sali ariba su mes un forsa.
Brandweer na su yegada a lora bay bek, pa su kazerne.
Ambulance si a controla e chauffeur y tur cos tawata “ok” cu ne.
Parti cu no tawata ok ta momento cu polis a bay pone supla, aki ta caminda ela supla pasando e limiet poni den ley.
Ela wordo deteni e mes un momento.