Home Sports Brazil, Chile, Colombia, Venezuela y Uruguay a yega pa Best of the...

Brazil, Chile, Colombia, Venezuela y Uruguay a yega pa Best of the Best Taekwondo Challenge.

SHARE

For di Diaranson atardi te cu anochi algun di e teamnan a yega pa Best of the Best Taekwondo Challenge 2017. Esaki ta e prome biaha cu Best of the Best ta extende su halanan pa haci e evento aki uno mas grandi.

Carlos Hernandez di www.mundotaekwondo.com ta kere den Aruba y kiko tur Pais Aruba tin pa ofrece pa e mundo di Taekwondo.

 For di trempan e prome grupo a yega for di Uruguay sigui pa Colombia, Brazil, Venezuela y Chile.

Awe Corsou ta yega hunto cu nan team tambe. Surinam ta e unico Pais cu ta yega Diabierna mainta pa nan por registra pa Best of the Best.

Awo nos ta conta cu 5 Pais caba aki na Aruba cu contrincantenan di taya cu a scoge Aruba pa bishita, train y participa na Best of the Best Challenge.

For di Colombia tin dos bringado y un for di Chile cu a bin specialmente pa bringa contra di nos atleta medayista di Oro Chiara Petrocchi. Esaki ta bay bira 3 pelea cu bo no por perde.

Carlos Hernandez di www.mundotaekwondo.com tabata na airport pa asina duna tur esnan cu a yega nan t-shirt di Best of the Best 2017 y a bisanan Welcome to Aruba un isla cu hopi ta bishita pa prome biaha. E coach di Brazil a bisa caba cu otro aña e ta bay bin cu mas atleta y ta net locual cu nos kier pa e camp training y e challenge bira un campeonato cu mundo henter ta bay papia di nan y sigui plama e nomber di Aruba na henter mundo.