Home Uncategorized Nagico Insurances ta lansa campaña di fin di aña cu premionan atractivo

Nagico Insurances ta lansa campaña di fin di aña cu premionan atractivo

SHARE

ORANJESTAD, Aruba – Dialuna ultimo Nagico Insurances Aruba a lansa nan campaña di fin di aña, “Cambia, Spaar y Gana”. E campaña aki ta pa tur cliente cu a pasa renoba nan seguro di auto of cas cu un polisa existente of a cambia seguro di auto of cas pa Nagico Insurances. Rhona Noguera y Christa Croes, di e departamento di Mercadeo y “Sales & Underwriting” a splica con por participa den e campaña aki, “e ta hopi facil pa tur cliente participa. Solamente mester subi riba e website di e campaña y yena nomber, e-mail y number di polisa pa mira si e cliente a gana.”

“E cliente cu renoba su polisa di auto of cas cu Nagico Insurances, lo mester djis yena e number di polisa renoba riba e website. E clientenan nobo tambe ta haci e mesun procedura y ta yena nan number di polisa nobo,” asina Rhona Noguera a splica. Clientenan di Nagico por gana diferente premio, cual ta varia entre cadeau bon di diferente tienda, restaurant y cinema, entre otro Flora Market, Superfood, Price Smart, The Cinemas y hopi mas.

Tur cliente cu participa ta wordo automaticamente inclui pa un chens pa gana e premio mas grandi cu ta henter 1 aña di gasolin gratis.

E temporada pa paga number di auto pa otro aña ta yegando y Christa Croes a indica cu ta bon pa tur hende mira kico ta e cobertura cu tur cliente tin. El a indica cu e campaña cu nan tin awo, clientenan lo por spaar 15% riba e seguro. Clientenan di seguro di auto cu Nagico Insurances no ta perde nan “no claim discount” ora ta envolvi den un accidente ni mester paga e suma di 150 florin di “eigen risico” ora “claim” riba tercera parti.

Nagico Insurances tanto na nivel Caribense como na Aruba mes, semper a innova cu servicionan y productonan nobo. E ta e prome compania di seguro pa introduci servicio di Road Service pa clientenan y cu su campaña di “Cambia & Spaar”, clientenan por spaar 15% of mas, cu ta representa un averahe di 200 florin pa aña riba nan seguro.

A funda Nagico Insurances na aña 1982 na Sint Maarten y a crece y penetra den mas cu 20 mercado. Nan ta un di e companianan di seguro mas grandi den Caribe Hulandes cu mas di US$ 150 miyon na prima y ta ofrece un di e miho seguro di catastrofe den region. Internacionalmente AM Best a “rate” Nagico como un compania solido. Nagico Insurances a sigui crece adkiriendo British American Insurance Company y awor ta ofrece seguro di bida y medico via e compania Nagico Life.

Aki na Aruba e compania a cuminsa na 2004 y a crece rapidamente, specialmente despues cu na aña 2007 nan tabata e prome y unico compania di seguro cu nan mesun servicio di Road Service. Nagico Insurances tin dos oficina na Aruba, un na Savaneta y otro den Caya Milio Croes na Dakota.