Home » Video: Momento cu muhe ta huy for di bahul di auto di homber cu a secuestre

Video: Momento cu muhe ta huy for di bahul di auto di homber cu a secuestre

by Admin
0 comment 88 views

Alabama USA

Un muhe ta logra huy for di bahul di auto di homber cu a secuestre, esaki a sosode momento cu e secuestrador a para na stacion di gasolin y baha bay paden, na Clanton Alabama, USA.

Despues cu e agresor, identifica bou e nomber Timothy Wyatt, a baha laga e auto sin supervision pa bay den e tienda, e muhe a probecha y a logra sali.
Den e video bo por wak e secuestrador canando bay for di e auto prome cu e bahul ta habri y e muhe ta core sali drentando e mes un tienda caminda su agresor tawata, gritando pa ayudo.
Momento cu e dama a aparece den e tienda mes ora ela capta atencion di Wyatt, cu a realisa cu e muhe a logra sali, a core bay na su auto, cerando e bahul y sali bay cu velocidad halto.
E victima lo a wordo secuestra ariba 30 di oktober ultimo, momento cu Timothy Wyatt a drenta su cas y cuminsa choke, asina por a lesa ariba Facebook page di Chilton County Sheriff’s Office.
Aparentemente e agresor a exigi e muhe placa momento cu e tawata bezig ta choke. Despues ela mare y a oblige subi auto, caminda ela menasa di hinke mata durante full e biahe.
Pero, prome  cu ela yega e gas station, su agresor a para e auto y a hinca e victima den e bahul.
Polis mericano mes ora a emiti un ordo di detencion pa Wyatt y a describie como un persona “Armed and dangerous”, segun publicacion ariba Facebook.
Wyatt a wordo aresta e dia siguiente, despues cu dos agente a haye drumi den e un edificio.
Mes ora ela wordo deteni, bou varios cargo den su contra manera robo,sucuestro y violencia domestico.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio