134
Polis ta keda activo pa cu control di trafico
Noord: Diasabra anochi polis di districto di Noord a tene un control grandi di trafico.
E controlnan di trafico a cuminsa Diasabra for di 9’or di anochi, te 12’or y mey di diadomingo marduga.
Riba e caminda di Sasaki unda antes tabata Different Bar Restaurant, a tene e control. Mas cu 10 agente policial a para en total un 218 vehiculo di motor di cual 85 boet a keda reparti, den 3 ora y mey.
Durante e control, loke cu mas a wordo encontra ta:
9 Sin vehiculo sin plaachi number valido, 9 persona sin Rijbewijs, 3 sin faha di seguridad,
45 vehiculo cu tabata falta Keur, 10 cu nan motorijtuig Belasting no tabata paga y 3 cu no tabata tin seguro.
Durante e control tambe a detene 2 persona. Un persona a wordo deteni pa droga y otro persona pa core bou influencia di alcohol. Dos auto a wordo getakel pa incumplimento di e documento nan nesecario y tambe un auto cu a wordo tuma den beslag pa investigacion tocante droga.
Cuerpo Policial Aruba lo sigui haci diferente tipo di control rond di nos isla. Sea conciente pa bo tin bo documentonan na ordo durante un control y tambe percura pa bisti bo faha di seguridad den tur momento, esaki ta pa bo propio seguridad.