Home » Chauffeur di Toyota Tercel herida den accidente na Sero Patrishi

Chauffeur di Toyota Tercel herida den accidente na Sero Patrishi

by Admin
0 comment 103 views

Sero Patrishi – Diasabra mainta den careda di 11:40 polis ta bay altura di e dam situa na Sero Patrishi cu Modanza, pa un boksmento cu hende herida.
Na yegada polis ta topa cu Forensys y ta wordo splica un ke otro.

E autonan envolvi ta un Toyota Tercel color blanco y un Chevrolet Optra.
Segun nos a compronde na e sitio e Tercel bayendo direccion oost, tawata ariba su banda robes, aparentemente pa bay drenta den e caya su dilanti.
Segun un habitante, tur dia chauffeurnan ta haci e practica aki y awe loke ela premira a pasa.

Pa mala suerte di e Tercel un Chevrolet Optra tawata saliendo di e caya pa bay rechts y aki e ta haye sorpresa cu e Tercel.

Den e impacto e chauffeur di e Tercel no tawata tin su seatbelt bisti y ta bay dal su cabes den e windshield parti robes ariba y ta resulta herida cu un kap basta bon na su cachete.

Ambulance a presenta y a transporta e chauffeur pa hospitaal. Takelwagen mester a presenta pa asina move ambos auto for di caminda.
E Tercel no tawata tin seguro.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio