Polis ta descubri un tas sin “doño” y mas droga den Avenida Alo Tromp

Avenida Alo Tromp – Diasabra den oranan di marduga Flex Team tabata pasando den e dicho caya aki y ta nota algun persona actuando basta sospechoso.
E agentenan no a confia esaki y a baha pa haci un control, pa haya sa kiko ta pasando.

Pa nan “sorpresa” nan ta bin haya un tas, e tas tabata yena cu basta droga, nan a sigui tira bista rond y a bin topa cu mas droga scondi rond.
E agentenan mesora a cuminsa puntra di ken e tas ta, pero niun hende “no tabata sa nada”.

Polis a confisca tur e droga y lo entrega esaki den man di departamento di Narcotica pa mas investigacion.

E area aki ta conoci pa trafico halto di benta di droga, varios biaha autoridad a tene razianan y detencionnan, pero e benta di droga ta sigui den e area aki, nada no ta cambia.