Home » Oficialnan di Departamento di Aduana a gara pasahero di barco crusero cu droga

Oficialnan di Departamento di Aduana a gara pasahero di barco crusero cu droga

by Admin
0 comment 67 views

Algun dia pasa riba un mainta durante un control rutinario riba pasaheronan cu a jega abordo di e barconan crusero Monarch, Adventure of the Seas y Nieuw Amsterdam, na altura prome cu e main exit gate 3, un oficial di aduana a nota un pareha ta hasi straño ora nan a mira e cacho di droga. E oficial duanero a mira e pareha a bira bek bai direcion di un bari di sushi y e pasahero masculino a saca algo di e sako di su carson y tira esaki den e bari. Despues e pareha a cana direccion bek pa e exit gate 3.

Durante control riba e pareha, e cacho di droga a duna un melding positivo.
Dos oficial di Aduana a wanta e pareha, mientras un otro duanero cu e cacho di droga a bai controla den e bari sushi y a haña un sakito cu yerbe parecido di marihuana y un sakito cu puiro blanco parecido di cocaina.

E pareha a wordo hiba den oficina di Douane Recherche pa mas investigacion. Durante control den un tas di man di e dama a haña un pipa cu ta wordo usa pa huma marihuana. E pareha a nenga cu nan a tira algo den e bari di sushi y cu nan no ta usa droga. Nan a bisa cu nan ta a bordo di e barco Adventure of the Seas. Oficialnan di Departamento di Aduana a pidi e pareha permiso pa controla den nan kamber y nan a bai di acuerdo.

Canando cu e pareha pa bai na e barco e pasahero masculino a admiti cu ela tira e droga den e bari y den su camber e tin un cantidad chikito di droga. Cu permiso di e Chief Security Officer e kamber di e pareha a wordo controla cu e cacho anti droga. E cacho anti droga a duna un melding riba un kashi. Den e kashi a hanja un kluis y den e kluis a haña 2 sakito cu yerba parecido di marihuana y un sakito cu puiro blanco parecido di cocaina. E puiro blanco y e yerbe a wordo getest cu a sali positivo pa cocaina y marihuana.

Despues di a confiska e droga, Departamento di Aduana a tuma contacto cu fiscal y fiscal a duna e pareha aki un multa di USD 150,00. E pareha a paga e multa y a wordo entrega bek na Chief Security Officer. E Chief Security Officer a baha e pareha for di e barco na Aruba.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio