Estado Miranda, Venezuela: Johana Noemi Rodríguez, di 38 aña di edad, a keda deteni pa polis despues di a tira su baby recien naci den awa di un ravijn, den e bario Guaicaipuro de Petare, na e municipio Sucre, di e estado Miranda.
Esaki a pasa diamars den oranandi atardi, e mama a bisa cu e motibo ta cu e no tabata kier e baby, paso e no tin placa pa mantene y pesey ela dicidi di tire den e ravijn.
Polisnan a logra saca e baby pero e baby di dos dia di naci a fayece pa motibo di un golpi fuerte cu ela ricibi na su craneo , despues cu ela wordo tira di dos meter halto.
E criatura tabata lora den un panja di cama y hinka den un saco di plastic, bisinjanan tabata e promenan cu a avisa autoridad cu ta Johana ta esun responsabel di e crimen aki.
E Johana a splica e recherchenan cu e no tabata tin tampoco e recursonan pa haci un abortus pa motibo cu e tabata tin 5 luna caba sin trabou y e tata di e criatura no ta yude.
E caso aki tin tur atencion di Ministerio Publico, nan ta investigando si ta prome biaha e mama ta comete algo asina, of ta un practica constante di e persona aki, ya cu bisiñanan a bisa autoridad cu esaki no ta prome biaha cu e muher aki ta comete e tipo di crimen aki.