De Vyust – Diabierna anochi algo prome cu 7’or, polis na De Vyust, a pidi asistencia di mas patruya momento cu loke nan a wak lo bay for di man.
Segun e agentenan, un multitud grandi di hende di mas o menos 200 lo a cuminsa altera y no tawata sigui ordo di polis mas.
Pick up color blanco
Motibo tawata cu un pick up color blanco, maneha pa un homber cu segun habitantenan casi tur dia ta den e bario y lo ta yuda haci limpi bentando sushi afo.
Pakiko “henter” e bario a lanta contra e homber ta pa motibo cu nan ta pensa cu e persona aki, lo probablemente sa ”algo” di e asesinato.
Pero, ningun hende lo a bin dilanti y papia algo concreto.
Nos ta convenci cu autoridad lo no dura mucho mas pa detene e asesino di Sarahy Sierra di 19 aña.
Manera ta conoci, e prome 48 oranan ta esunnan mas crucial pa soluciona casonan manera esaki.