Algun pareha den nan manera di funciona ta dedica na investigacionnan extenso di tur actividad, messagenan, relacionnan y espacionan cu e “otro” tin.
Aki bo ta papia di un siguimento extremo, pa sa kiko ta sosode cada minuut den bida di e guy/chick. Tras di e conducta aki tin e desconfiansa enorme, paso tin e sospecho di algun mentira y tambe relacionnan scondi.
Si bo ta bezig ta lesando e articulo aki y si bo ta sintibo identifica, mi por sigurabo lo siguiente: si bo mester chek su smartphone, siguie pa ta sigur cu e ta bisando e berdad, bo tin password di su Facebook, Instagram y Twitter, tin un problema hopi mas serio di loke bo por bay haya y cu bo ta den un relacion caminda unicos cos cu ta reina ta desconfiansa y anxiety.
Tipo di relacionnan aki no ta saludabel pa niun hende, pues nan no ta genera nada bon, al contrario nan ta toxico y si no tuma e medidadnan individual pa interveni, e situacion lo empeora te cu e lo caba y ta mas cu sigur cu e proximo relacionnan lo bay ta mescos dus mester traha ariba esun cu ta keda busca sin stop, y ainda sin haya algo/nada, esey ta, sin importa loke e otro persona haci, e trabou ta propio ¡Semper! y manera nan sa bisa eybanda, “Esun cu ta desconfia tampoco ta di confia”, y abo mes, ¿ den ki tipo di relacion bo ta awor aki?