154
Bellstraat – Diahuebs den careda di 4’or di marduga , alarma ta wordo bati pa un candela den un deposito, den Bellstraat.
Na yegada polis mesora ta pidi pa presencia di brandweer cu hopi urgencia, pero na e momento ey ya nan tawata ariba caminda caba.
Brandweer hopi liher a yega na e sitio y a cuminsa prepara pa kibra e porta di e deposito, pa asin por yega mesora na unda e candela tabata ta.
E deposito tabata di e compania Mazuga Fire Protection, e candela aparentemente lo a cuminsa na un di e portanan mey mey na e parti pafo y di e forma ey, ela pasa bay paden, caminda ela destruccion e deposito completamente.
E mercancianan cu tabata den e parti paden mayoria a bay perdi, entre otro un truck y un forklifter a kima.