Home » Homber buscando contacto cu Buda y extraterrestre, na Bushiribana

Homber buscando contacto cu Buda y extraterrestre, na Bushiribana

by Admin
0 comment 104 views
Bushiribana: Dialuna pa mas o menos 1’or di marduga, durante cu polis tabata patruyando, den becindario di Bushiribana nan ta nota un lus blauw cu tabata cende y paga. E lus blauw aki a hala atencion di e agentenan policial riba patruya, nan a bay den direccion di e lus aki y nan a bin topa cu un cabayero,  mesora a puntra e cabayero kiko e ta haci eynan.
E cabayero tabata scuchando musica di yoga for di su cellular, e cabayero a bisanan cu e ta haci esaki, paso e ta tratando di haya contacto cu Buda, pa e por haya su inner peace. Tambe ela splica e agentenan cu e musica di yoga ta pa calme mentalmente.
E polisnan a dicidi di puntre di e lus blauw cu ta cende y paga. tocante esaki ela contesta e agentenan, cu e ta bezig ta train estilo Star Wars cu su spada di lus. Enberdad  e agentenan na  e sitio a mira cu ta trata di un spada di Star Wars. Polis no por a contesta e cabayero nada otro, y a bise pa e no keda mucho mas eybanda, paso e ta peligroso pa su persona ta su so ey tras. Ela bisa polis cu e ta na altura cu tin cosnan straño sa pasa ey tras.
Pero loke e cabayero tabata kier ta bin den contacto cu extraterrestrenan y segun e homber door cu e tin e spada di lus di Star Wars cune, nan lo por descubri’e.
E cabayero aki ta kere fielmente den Buda y tambe cu lo tin otro forma di bida den universo.
Cada ken cu nan creyencia, cada dia nos ta siña cu tur hende ta diferente y cada hende ta kere y pensa diferente, loke ta normal pa un,por ta abnormal pa otro.
Polis a respeta e cabayero aki su forma di pensa, pero prome cu nan a bay for di e sitio, nan a avise di e peligernan cu e ta core di ta den e oranan di marduga su so eybanda.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio