Home » Gele Koorts en Muskieten Bestrijding (GKMB) Yuda mantene santananan limpi di criadero

Gele Koorts en Muskieten Bestrijding (GKMB) Yuda mantene santananan limpi di criadero

by Admin
0 comment 75 views

Relaciona cu Dia di tur Difunto

ORANJESTAD, Aruba: Seccion di Gele Koorts en Muskieten Bestrijding (GKMB) di Departamento di Salud Publico a bishita santana di rond di Aruba pa controla si ta haya criadero. Durante e control e team a basha incecticida den pochinan di mata percura cu no tin larvanan di sangura. Tambe a controla si den y rond di santana tin sushi. Haciendo esaki tabata pa mira cu e luga tabata limpi y sin criadero.

Hoofd dienst di GKMB, Luis Chong a splica cu nan trabou pa santananan rond Aruba ta cu regularmente nan ta bishita nan pa asina haci un control. Ta haci esaki pa elimina criaderonan cu GKMB a haya rond di santana. “Nos ta pidi publico pa yuda nos mantene santananan limpi di criadero”, asina el a elabora. Luis Chong a duna tipnan pa esunnan cu ta bay santana, unda el a bisa pa evita di pone pochinan y otro artefactonan cu por bira un criadero y forma un peliger pa hende mes.

Hopi hende den e dianan aki lo bishita santana pasobra Dia di Defunto ta yegando y GKMB ta pidi cooperacion di tur presente pa mira si tin criadero den santana. Deshaci di awa cu ta para pa evita criadero. Tambe si nan mira sushi rond santana y por piki esaki, asina ta yuda mantene e santana limpi y evita criadero.

Hopi biaha hende ta pensa pa mantene limpi di criadero na nan cas mes, unda cu ta percura cu por ehempel e pochinan ta limpi cu awa y no ta forma criadero. Pero tin biaha ta lubida ora di bishita santana, pasobra ta hiba un artefacto of un flor pa e sernan keri a recorda nan pero sin corda cu esaki por crea criadero den santana tambe. Mayoria di e santananan ta cerca di un scol y misa, pero na momento cu esakinan forma un criadero nan ta bira un peliger p’e bishitantenan di misa y e muchanan cu ta bay scolnan cu ta cerca di santana.

Esunnan cu mira algun problema den santana cu nan mes no por soluciona of mester ayudo cun’e, por comunica cu GKMB.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio