Home » Update: Derame di petroleo na refineria di Amuay na Venezuela

Update: Derame di petroleo na refineria di Amuay na Venezuela

by Admin
0 comment 66 views

Boletin nr. 1 di Rampenbestrijding di Aruba, referente e oilspill cu a sali publica den medionan internacional y riba arubanative.com .

Bureau Rampenbestrijding Aruba pa medio di e boletin nr 1 aki  kier a informa tocante e un oil spill cu a wordo registra durante e siman aki na Venezuela.

Bureau Rampenbestrijding Aruba a ricibi e informacion cu riba dialuna y diamars ultimo pa motibo di awasero pisa cu a wordo registra na Peninsula di Paraguana Venezuela, a conduci na un derame di petroleo cual lo ta uno significante. Ta wordo papia di alrededor 200.000 bari di productonan incluyendo e combinacion di gasolin y diesel.

Departamento Meteorologico Aruba  a haci uzo e tecnologia cu nan ta dispone di dje pa asina haci un simulacion caminda a crea un modelo di e coriente di lama pa logra haya un bista di e trayectorio cu e derame aki por tuma. Tambe via e modelo aki nan por a wak si Aruba lo por wordo afecta pa dicho derame cu a sosode.

Mirando e distancia entre Aruba y Venezuela ta haci cu Aruba ta keda vigila e situacion aki, pa asina ta prepara den caso di cualkier eventualidad.

Bureau Rampenbestrijding Aruba a haci su contactonan oficial cu RAC/REMPEITC-Caribe kende ta e instancia oficial na unda Aruba ta afilia pa locual ta asuntonan regardando derame di petroleo engeneral. Te cu awe 12 di merdia no tin ningun registracion oficial for di Venezuela na RAC/REMPEITC-Caribe tocante un derame cu lo por a sosode na Venezuela.

 Bureau Rampenbestrijding Aruba kier a informa pa medio di e boletin aki cu a haya informacion tocante un derame na Venezuela, cual no a wordo registra oficialmente pa e canalnan oficial. Pero cu Aruba ta vigilando e situacion aki di cerca pa asina ta alerta pa cualkier eventualidad.

Asina cu ricibi mas informacion tocante e derame aki lo nos suministra esaki na prensa pa asina na prensa su turno informa e comunidad di Aruba riba esaki.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio