Santa Cruz: Diamars algo prome cu 9’or y mey di mainta presencia di polis a wordo pidi cu urgencia na S.P.O. na Santa Cruz pa un studiante cu lo a bira di remate y a cuminsa maltrata su juffrouw, mesora scol a pidi pa presencia di polis.
Na yegada enberdad polis ta topa cu e studiante basta altera y ta bin compronde cu aparentemente e juffrouw lo a hala atencion di e studiante, pero esaki no a cay den bon tera cerca e studiante, y ela agredi e juffrouw, a cuminsa manda stul y a comete destruccion den e klas.
Na momento cu polis a bay detene ela trata na resisti, pero polis hopi liher a logra domine y a pone den boei.
Ambulance a presenta y a transporta e alumno pa Hospital, caminda ela keda interna na PAAZ, pa asina por wordo trata pa su problema mental, aparentemente no ta prome biaha cu scol tin problema cu e studiante aki.