Home » Booth di NV Elmar bon bishita na A-Tech Studiantenan tabata interesa den tecnologia programming

Booth di NV Elmar bon bishita na A-Tech Studiantenan tabata interesa den tecnologia programming

by Admin
0 comment 100 views

ORANJESTAD, Aruba: Den fin di siman a tuma luga e conferencia innovativo di A-Tech, unda cu NV Elmar a participa na dje. NV Elmar a bay cu diseñonan innovativo pa asina mustra unda nan ta bayendo y tambe pa duna studiantenan algun idea kico tur por haci cu tecnologia. Tur cu a bishita e booth di NV Elmar a keda encanta di mira innovacion manera un 3-D printing, con por controla luz na cas haciendo uzo di tecnologia riba un celular of tablet.

Customer relation manager di NV Elmar, Elton Lampe, a splica pa cu pa algun aña nan ta sostene e conferencia innovativo di A-Tech unda entrepreneur ta yega hunto y mustra nan producto. NV Elmar a sostene e “play ground”, di cual a bin cu productonan cu nan kier promove. A papia cu e bishitantenan riba autonan electronico, riba car charger stations. Tambe e aña aki nan a bay un tiki mas leu, unda a bin cu productonan pa automatisa un cas pa asina mustra esaki na studiantenan, diferente uzo di tecnologia, studiantenan por a experimenta cu STEM. El a elabora cu ora studiantenan ta bay scoge pa haci STEM, esta “Science, Technology, Engineering y Mathematics”, esakinan ta e curiculo cu ta hopi innovativo y ta pushando studiantenan pa scoge esaki. NV Elmar como un compania tecnico cu ta provee electricidad, kier promove esaki tambe den e studiantenan, asina Elton Lampe a expresa.

Durante e bishita na e booth di NV Elmar, nan a nota cu studiantenan tabata entusiasma y nan sa hopi di e tecnologianan “programming”. Aña pasa tabatin un curiculo di “Hour of qoute” y e studiantenan di 4de y 5de klas di scol basico, a ricibi un training con pa programa riba computer codenan, programanan. NV Elmar a ripara cu esaki ta biba hopi den e studiantenan, pasobra nan tabata acerca e booth pa haci preguntanan con ta controla e “microprocessors” cu NV Elmar tin di cual ta mira un avance den dje.

Sosteniendo A-Tech, NV Elmar kier demostra su parti innovativo. Nan tin yen producto na caminda pa asina yuda e clientela tambe. Recientemente nan a check un 3-D printing, cual nan ta hinca e electronica den e productonan y asina e cliente mes por controla su consumo via un tablet, via un home “display”, productonan di “energy saving”. “Tin yen producto nobo na caminda tambe. Esaki nos a cuminsa ta demostra na A-Tech pero mas di esaki lo bay bin den futuro cu nos lo bay trece nan pa nos clientela”, asina Elton Lampe a expresa.

Amberley Lejuez studiante di Colegio Arubano a bishita e conferencia di A-Tech y tabata contento di e oportunidad ricibi. El a splica cu Colegio Arubano a haya mas o menos 20 badge y studiantenan interesa por bay e conferencia riba tur dia. Amberley Lejuez a haya e booth di NV Elmar interesante, specialmente con e 3-D printing ta trahando y e splicacion ricibi di NV Elmar tabata unico. “E ta hopi great cu den futuro nos por traha cosnan for di nada eigenlijk”, el a expresa. Tur loke cu el a mira na e booth a lanta su interes mas y si e por ricibi un oportunidad di studia algo di tecnologia y pa traha cu esaki, ta algo cu e lo kier haci. Amberley Lejuez ta haya cu e congreso di A-Tech a lanta su interes mas y tambe tur loke NV Elmar ta biniendo cun’e. Cu esaki e lo kier bay studia den direccion di innovacion den tecnologia.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio