Home » Producente di Cerbes y biña ta bay un paso mas leu y ta cuminsa traha productonan conteniendo cannabis

Producente di Cerbes y biña ta bay un paso mas leu y ta cuminsa traha productonan conteniendo cannabis

by Admin
0 comment 154 views

Constellation Brands, cu ta compania cu ta produci Cerbes y Biña a mustra interes grandi den un compania cu ta cultiva Cannabis medicinalmente.

E producente di entre otro e cerbes Corona, a hinka 191 miyon dollar, den e Compania Canopy Growht Corp. Canopy ta estableci na Canada, unda memey di otro aña uso di cannabis recreacional lo wordo legalisa. Na Estados Unidos, na mayoria di e estadonan uso di cannabis ta prohibi, maske un gran parti di e populacion kier trece un cambio den esaki.

Constellation Brands a informa na prensa, cu nan no ta planea pa bende Cannabis na Estados Unidos of un otro pais, tanten cu e no wordo completamente legalisa. E compania a duna di conoce cu e inversion aki por wordo considera como un stap den e sector den cual tin un crecemento potencial. Pero si nan ta trahando riba diferente bebida conteniendo cannabis pa e mercado Canades.

Segun e topman di Constellation Brands a comenta, cu e stap den e sector aki cu tin un crecemento potencial, cu e inversion aki nan exito lo ta garantisa, door cu nan a capta e señalnan di e trendsnan di e consumidornan na tempo y esaki ta un bon ehempel.

E crecemento den e mercado di cannabis ta wordo vigila di cerca door di varios compania den e industria di bebida y lo por spera cu mas productor di producto alcoholico ta evaluando pa drenta den e sector aki y lo trata di hacie mas liher cu ta posibel. Esaki ta conta tambe pa e companianan den e sector di tabaco y di farmacia.

Door di e inversion di Constellation Brand a pone cu Canopy ta wordo balota na casi 2 biyon dollar y ta e producente mas grandi di Cannabis.

 

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio