Home » Coca Cola Nacional lo defende nos bandera E fin di siman aki ta tuma luga Copa ABC na Boneiro

Coca Cola Nacional lo defende nos bandera E fin di siman aki ta tuma luga Copa ABC na Boneiro

by Admin
0 comment 72 views

AVB y Lotto pa Deporte a uni forsa pa manda nos ekipo campeon

ORANJESTAD, Aruba: Recientemente Arubaanse Voetbal Bond (AVB) a anuncia cu hunto cu Fundacion Lotto pa Deporte a yega na acuerdo p manda nos ekipo campeon di Division di Honor 2016-17, esta Coca Cola-Naciona pa representa Aruba den Copa ABC cu ta tuma luga e fin di siman aki na Boneiro.

E federacionnan di futbol di e tres islanan ta deliberando pa basta tempo caba pa rebiba e custumber di añanan 60 caba, esta e Copa Antiano cu despues a bira Copa ABC.

E ekiponan di RKSV Centro Dominguito di Corsou, SV Real Rincon di Boneiro y Coca Cola Nacional di Aruba hunto cu un ekipo mas di Boneiro lo hunga den e torneo.

Pa St. Fundacion Lotto pa Deporte, e vision no ta solamente pa promove deporte, pero tambe union entre e pueblonan di Aruba, Boneiro y Corsou, siendo rumannan den Reino Hulandes. E intencion ta pa di e forma aki crece deportivamente den region pa despues sali como un ekipo mas solido pa enfrenta otro ekiponan den nos region.

Di parti Lotto pa Deporte ta desea e ekipo di Coca Cola Nacional tur clase di exito den e Copa ABC 2017 na Boneiro. Y na e fanaticonan….sigui cumpra Lotto, sigui aporta na deporte di nos isla.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio