Home Lifestyle Aruba Bank ta Celebra Customer Appreciation Week 2017 Relacion sano cu banco...

Aruba Bank ta Celebra Customer Appreciation Week 2017 Relacion sano cu banco ta haci cliente feliz!

SHARE

ORANJESTAD, Aruba: E yabi di bon servicio ta e relacion cu e compania ta crea cu e cliente.  Aruba Bank ta consciente di e importancia di un relacion sano entre e banco y su clientela y ta pa esey anualmente ta gradici su clientenan y ta promove un ambiente servicial y amabel na tur sucursal di banco rond di Aruba, pa expresa e gratitud.  Cuminsando dialuna 30 di  October Aruba Bank lo celebra “Customer Appreciation Week” caminda cu lo intensifica e gesto di bisa “danki” den un siman di celebracion.

E aña aki nos a enfoca riba salud y bienestar. Aruba Bank lo ta activo ariba e pagina di Facebook di banco https://www.facebook.com/Arubabank/ caminda cu lo tin Quiz diariamente.  Na tur sucursal di Aruba Bank clientenan lo ricibi treat special, masashi gratis y un checkup gratis den Bus di Salud cu lo bishita e sucursalnan na San Nicolas, Hato, y Camacuri. Riba e pagina di Facebook por wak e schedule di e bus di salud di cada sucursal.

Ademas di e ambiente di celebracion na cada sucursal Aruba Bank keda pendiente pa e popular “Surprise moment” cu premio efectivo! Aruba Bank ta di fiesta durante e siman di 30 di October pa 3 di November 2017. Un biaha mas danki na nos clientela fiel.