Home » Luis Miguel tey bek cu su new look y cu e cancion “La fiesta del Mariachi”

Luis Miguel tey bek cu su new look y cu e cancion “La fiesta del Mariachi”

by Admin
0 comment 129 views

E cantante Luis Miguel lo estrena 27 di oktober proximo e cancion “La Fiesta del Mariachi”, cu ta marca tambe su come back den musica despues di a keda basta tempo aleja di e spotlight y a anticipa cu e album nobo, lo wordo publica fin di november, asina Warner Music a informa awe.

“Luis Miguel lo release su single ariba 27 di oktober, caminda cu un biaha mas, su voz impecabel y versatil pa tuma diferente generos; den e ocasion aki, cu e tema “La Fiesta del Mariachi”.

Luis Miguel ta bay bek na e musica Mexicano y compaña pa Mariachi Vargas di Tecalitlán.

Manera semper ela haci, e lo deleita e publico cu e potencia di su voz, su pasion y su sentimiento grandi den su interpretacionnan”.

E cantante a comparti un extracto di e cancion caminda cu, ariba un base di trompet, e ta bisa cu hopi energia: “¿Que paso mi chula? E fiesta ta bay cuminsa, decora e portanan”.

Su produccion “Mexico en la Piel” (2004) tawata un di esnan mas bendi den historia di e genero aki.

“La Fiesta del Mariachi” ta anticipa e album nobo di Luis Miguel, cu lo ta na benta november 24 2017.

Pa e promocion di e single, e cantante, cu a nace na 1970 na Puerto Rico y tin e nacionalidad Mexicano, a publica un imagen caminda e ta aparece ariba un beach, sin sapato pero na mes un momento hopi elegante den e carson preto y un bachi color blanco, bisti cu un dashi preto.

Ariba e imagen, e artista ta aparece visiblemente hopi delega, despues cu durante e ultimo temponan ela subi hopi peso, un hecho cu a wordo publica den diferente medionan di Entertainment.

Cu e disco aki, Luis Miguel lo busca na pone un fin na e ”secura musical” – su ultimo disco tawata na 2010 -, cu a keda marca tambe pa cancelacionnan di conciertonan, e controversia y e problemanan legal.

Na 2015, Luis Miguel a cancela conciertonan na e ciudad di Mexico y despues a protagonisa un cantidad di no show te caminda cu e mester a stop e gira den Estados Unidos, bisando cu e lo tawata tin problema di salud.

Na cuminsamento di e aña aki, e representante di e cantante Mexicano Alejandro Fernández a demanda Luis Miguel pa no a cumpli cu acuerdonan preliminar relaciona cu un gira cu nan dos mester a haci hunto.

Na mei, “El Sol” a wordo aresta na Los Angeles despues di a nenga varios biaha di aparece dilanti un tribunal na Estados Unidos relaciona cu un caso entre e cu su exrepresentante William Brockhaus, cu na final toch a yega na un acuerdo.

Netflix y Telemundo hunto ta preparando un serie ariba bida di e cantante protagonisa pa e actor Diego Boneta, mientras cu Univision tambe a anuncia un otro serie di e cantante.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio