192
San Nicolas: Diamars pa mas o menos 10’or di anochi , un dama conoci pa polis, ta presenta na warda di polis na San Nicolas y ta splica polis cu ela wordo maltrata.
E ta splica cu polis cu pa mas o menos 8’or y 50 di anochi, un homber yama “Tito” a dal e cu un piedra y a bise cu e lo a horta 3 mil florin for di un amigo di dje.
Despues di un ora ney e dama a pasa den e hanchi di Caya St. Lucia, un homber yama “Suri” a top’e y a dal’e cu un golf club un biaha na su cabes banda links y di dos biaha na su boca. E dama tabata tin un kap na su cabes y na su boca.
Mirando cu e dama tabata herida, a yama ambulance pa trat’e y despues cu a trat’e na Warda di Polis, a transport’e pa Imsan.
Un patruya a bay na e cas di “Suri” den Caya St. John y despues cu polis a papia cune, pa mas o menos 10’or y 50 di anochi, nan a detene “Suri”, pa maltrato cu arma .
Ela wordo transporta pa warda di polis na San Nicolas, caminda elo mester a presenta dilanti hulpofficier.