192
Cabo San Roman, Edo. Falcon, Venezuela: Durante un patruya riba lama cerca di e costa di Paraguana, polisnan maritimo costera, a captura 5 cuidadano venezolano, kendenan ta miembro di e banda “EL Guayo”, cu ta e banda cu ta dedica na contrabanda di hero, koper, nikel etc etc.
E contrabandistanan a wordo sorprendi den cercania di Cabo San Roman, nan tabata abordo di un lancha cu dos motor y nan tabata rumbo pa Aruba y Corsou.
E carga abordo a keda confisca cual ta trata di 1.4 ton di hero y 620 kilo di Nikel, en total di 2.02 ton di metaal.
E edadnan di e cinco contrabandistanan cu a keda deteni ta entre 27 y 39 aña y nan mester a presenta dilanti e Fiscal di Ministerio Publico pa duna cuenta di e delito cometi.