145
Oranjestad: Diamars den oranan tempran di mainta, Recherche di Santa Cruz conhuntamente cu Ministerio Publico a hasi diferente detencion.
Esaki ta relaciona cu un investigacion andando den un caso di arma di candela.
Na tres diferente adres a haci un entrada hudicial, na un cas na Noord Cura Cabai, na Rooi Koochi y na Washington.
Durante e entradanan hudicial autoridad a detene 3 hende homber y 1 hende muher di cual 2 ta Arubiano, 1 Jamaiquino y 1 Venezolano. Tambe durante e entrada hudicial a confisca 2 arma di candela y a bin descubri diferente plantacion di marihuana.
E departamentonan cu a forma parti di e entradanan hudicial ta Team di Aresto , Unidad di K-9, departamento technico di polis, departamento di droga y personal di recherche Sta Cruz.
Cuerpo Policial di Aruba ta sumamente satisfecho cu e resultado aki y no ta descarta e posibilidad, cu mas detencion lo por cay relaciona cu e caso aki.
Ta pidi pueblo pa keda duna informacion na tiplijn 11141. Bo anonimidad ta garantisa.