157
Bucaramanga, Colombia:Den un intento pa scapa di autoridad. Un homber a guli un par di renchi orea, cu ela horta for di un dama y actualmente autoridad local ta sperando pa mira con ta bay saca e renchinan y usa esaki como evidencia den e caso di ladronicia.
E robo a sosode den e centro di Bucaramanga, na momento cu un dama tabata canando dos homber a acerk’e y a ranca su prendanan for di dje. Na e momento ey tabata tin polis uniforma patruyando den e e zona aki y mesora nan a bay pa gara e ladronnan, pero un di nan a mira polis ta bin y a coi un par di renchi orea hinkanan den su boca y a gulinan.
E renchi orea tin un balor di mas o me nos 205 dollar, e homber a wordo traslada pa hospital, pa mira via medionan natural of por medio di un cirugia nan logra saca e renchinan.
Riba un radiografia, nan a mira cu e renchinan den su stoma y esakinan mester wordo saca paso nan ta e prueba principal cu lo wordo usa den e caso aki.
E dama a keda herida, cu un corta na ambos orea, na momento cu e homber aki na un forma bruto a ranca e renchinan for di e dama su oreanan.