Cura cabay – Dialuna mainta algo prome cu 12’or polis ta haya diferente yamada di un accidente pisa altura di crusada di Wendys, na Cura Cabay.
Informacionnan tawata bisa cu tin truck di Serlimar envolvi y un auto di famia.
Na yegada di patruyanan ta constata cu ta trata no di 1 pero di 2 auto di Serlimar.
Segun informacionnan na e sitio un di e trucknan di Serlimar biniendo di panort, ta subi e crusada dal un auto di famia.
Esey no ta tur.
E truck a lastra e auto di famia mande contra un otro truck di Serlimar cu tawata net eynan e momento ey.
Pues e auto di famia marca Hyundai a keda net mey mey di e trucknan, caminda cu un di nan a keda wanta ariba e truck. Si e esey no a sosode, e lo a cay ariba e auto di famia.
Den e auto di famia, tawata tin dos persona di edad aparentemente den dje. Segun polis nan lo no ta dje grave ey.
Ambulancenan cu a yega na e sitio, a hiba e chauffeur direccion di e hospitaal, mientras e otro ambulance a keda atendiendo cu e segundo ocupante.
Angel wardador ?
Por bisa di otro banda, esnan den e auto di famia nan Angel wardador tawata cu nan paso di e otro truck no tawata eynan algo sumamente tragico lo a sosode.
Di parti Arubanative.com, nos kier manda tur cos bon pa e ocupantenan den e auto di famia.