Diabierna mainta, Sra. Evelyn Wever Croes a duna su prome ‘briefing’ na Gobernador riba con e formacion di gobierno ta bayendo. Ela duna Gobernador e acuerdo di formacion cu e 3 partidonan a firma e siman aki.
Segun Evelyn Wever Croes, nan ta trahando awor riba e programa di gobernacion mes, sincronisando e programanan di e 3 partidonan y resolve mas tanto posibel e puntonan cu tin e partidonan dividi.
E ta tumando poco mas tempo cu nan a pensa, pasobra nan kier tuma nan tempo pa hasi’e bon pa crea un base solido pa un gobierno pa 4 aña. Despues nan ta bai na reparticion di cartera.
Pues tur e rumornan di reparticion di cartera y ken ta minister di kiko, ta falso. Duna e partidonan poco mas tempo pa nan por presenta un bon gobierno y bon gobernantenan pa lucha pa nos pais. Evelyn Wever Croes a termina su mensahe: un fuerte abraso y pasa un felis fin di siman, Evelyn.